Я хачу

Я хачу, каб да нас прыехала мама,

А яшчэ — каб у Менск мы маглі прылятаць,

Каб аўтобус сустрэў нас на выхадзе з трапа,

І каб нам ад пачуццяў слёз было не стрымаць.

Каб суровы памежнік усміхнуўся ў адказ,

Запытаўшы мой пашпарт пацёрты,

Быццам бачыць яго ўжо ў соты раз

І паставіў у ім штэмпель зваротны.

Каб багаж не згубіўся падчас пералёту,

Сувеніры каб усе даляцелі са мной,

І каб коркі ў дарозе не былі перашкодай,

І таксіст каб прывёз нас дадому з табой.

І бацькі каб сустрэлі, як раней, — маладыя,

І мы дзецьмі адчулі малымі сябе,

І пачуцці накрылі нас дарагія,

Пра якія з табой марылі ў сне.

Я хачу, мару я, але слёзы ў адказ,

На вачах набягаюць маіх,

Калі ж зноў прыляцім мы ў госці да вас?

Да бацькоў, да сваіх дарагіх.

(С) Я

Адзін Беларус