Мы ляцім

Уздоўж ідзем мы па жыцці,

Ужо мінулі маладосць.

Нам дожджык вочы намачыў,

Ідзем прамоклыя наскрозь.

Запомнім усё пакуль ідзем,

Мы прабяжым жыцця масты.

Расправім крылы і ўзляцім,

І будзем у небе - я і ты.

Нас маніць зорны небасхіл,

І сонца яснага святло,

Ляцім прамоклыя зусім,

А на душы ў нас цяпло.

Гады праходзяць быццам цень,

І памяць іх сцірае прэч,

З табой пачнем мы новы дзень,

Не спыніць нас ніякі меч.

Мы ўспомнім усё, што мы прайшлі,

Свой лёс прынялі мы даўно.

Ужо дрыжаць жыцця масты,

А мы ляцім, як у кіно.

Адзін Беларус